سندھ میں اگلی حکومت پی ٹی آئی کی ہو گی، فواد چوہدری کا دعویٰ

 

وفاقی وزیراطلاعات فواد چوہدری نے دعویٰ کیا ہے کہ سندھ میں اگلی حکومت پی ٹی آئی کی ہو ‏گی اور آئندہ انتخابات میں عمران خان خودسندھ میں مہم چلائیں گے۔

کراچی پریس کلب کے دورہ کے موقع پر خطاب کرتے ہوئے فواد چوہدری نے کہا کہ سندھ کو دیا ‏گیا پیسہ دبئی، کینیڈا اور یورپ سے ملتا ہے سندھ کو ملنے والے پیسے کی مانیٹرنگ ضروری ہے ‏سندھ کے حکمرانوں پر پانی چوری کا بھی الزام ہے۔

انہوں نے کہا کہ 750ارب آپ کومل رہاہےکیاکراچی کاحق نہیں اسےفنڈملے؟ جتناپیسہ مرادعلی ‏شاہ نےگھوٹکی کے نام پرلیااسےتوپیرس ہونا چاہئے تھا اربوں روپیہ لاڑکانہ پر لگا مجھے بتائیں کہ ‏وہاں کی کیا صورتحال ہے؟ جب آپ سے پوچھا جائےتوآپ چیخیں مارتےہیں۔

وفاقی وزیر نے کہا کہ سندھ کےسب سےبڑے دشمن سندھ پرراج کررہےہیں، بتایاجائےفریال ‏تالپور، مرادعلی شاہ کی اپنی زمینوں پرکبھی پانی کم نہیں ہوا، پانی چوری خود کر رہےہیں اور الزام ‏وفاق اورپنجاب پر ڈالا جا رہا ہے سندھ حکومت نےکہاہماراپانی چوری ہورہاہےتوارسانےکہاتحقیقات ‏کریں گے جب ارسانےعملی اقدام کرناشروع کیاتومرادعلی شاہ جوتےچھوڑکربھاگ گئے سندھ ‏حکومت نے انٹری اور ایگزٹ ریکارڈ دینے سے انکار کر دیا۔

فواد چوہدری نے کہا کہ سپریم کورٹ سےمطالبہ ہےسندھ سمیت ملک میں آرٹیکل 140 اے نافذ ‏کرائے، آرٹیکل 148 مرادعلی شاہ پڑھ لیں کہ کیا کہتا ہے۔

ان کا کہنا تھا کہ انتخابی اصلاحات پر پارلیمنٹ سے ہٹ کر کوئی بھی فورم گفتگو کیلئے مناسب ‏نہیں ایسا انتخابی نظام لانا چاہتے ہیں جس میں ہارنے والا دھاندلی کا ڈھنڈورا نہ پیٹے پارلیمنٹ کو ‏کمزور کرنا جمہوریت کو کمزور کرنے کے مترادف ہے۔